TSY HITA AKORY (HARY MENJA)

TSY HITA AKORY

Tsy hitako akory tsy fantatro mihitsy
ny anarany foana no omem-boninahitra
ny feony fantatro sy efa reko
fa ny salovan-tavany tsy hitako hatreto

Ny toetoe-piainany tsy azoko veroka
kizintina ve sa mba malemy paika
vinavinaina fa ho any fa ho any
dia mapionon-tena amin'ny ho hita eo ihany

Eny zaho foana koa ity no miampanga tena
fa izy any koa ange tena torak'izany
manao ankamantatra tsy misy valiny
fa maizina loatra ny saromboaliny

Raha mifankahita tokoa moa dia ahoana
eny e!hifanolo-tanana sy hifampitafa
avy eo adin-tsaina no enti-miverina
kanefa aleo izay toy izay any lavitra no hanerinerina

HARY MENJA
--------