...AMIN'NY TEBOKA FARANY./. (hjravs)

...AMIN'NY TEBOKA FARANY./.
Tsy misy rafitra mamaritra,
ka hamefy sy handrara
ny asa soratra atao,
fa rahefa mahafinaritra
ary hitako fa tsara
dia zaraiko tsotr'izao.

Angamba ilaina ny tsikera
raha natao mba hanitsiana,
fa mety hampivoatra izany,
saingy raha ho poerapoera
sy entina mba hanindriana
dia ampirimo ihany ho any!

Raha misy mari-piatoana
diso toerana, na tsy haiko,
na tsy manaraka lalàna,
dia tsipiho 'lay hadisoana,
ny tsikeranao ilaiko
horaisiko amim-panajàna!

Ny tahak'izany aho ahitsio;
fa raha tsy sitrakao mpamaky
ny hafatra soratako ao:
Ny pejinao no avadiho,
f'aleo ny soratro tsy hitaky,
kiana na tsikeranao!!!

Aleo ny peniko hanoratra
na angano io, na tantara,
tononkalo, poezia...
na koa sombin-dahatsoratra,
ho ankafizinao fa tsara
matoa ianao tonga hatraty...(ny lohateny no vakiana farany)
hjravs
--------