ALEOKO (hjravs)
(Nalaina tao amin'ny vetso.serasera.org)
ALEOKO...Raha hiray latabatra
amin'ny olona ahiana
fa hamorika ahy.
Na hiara-hivalapatra,
hiray fandriana
amin'ny ratsy fanahy,
dia aleoko ho noana,
mihafihafy foana
fa milamin-tsaina;
aleoko ihany
miladina an-tany
tsy mitaintaina.
Raha hamitram-pihavanana
amin'ny olona izay
tsy dia madio fo;
Na ka ilay finamanana
mampiahiahy
amin'ny lefona ivoho,
Dia aleoko singany
mba tsy hovoafingana
raha lasa aloha;
aleoko irery
kanefa tsy very
fa ho tody soa!
hjravs (kanto arindra)
--------
Rohy:
https://vetso.serasera.org/tonokalo/hjravs/aleoko
