ANTSO (hjravs)
Mbola tsisy niantsa
(Nalaina tao amin'ny vetso.serasera.org)
ANTSOAleo, ho'a, tsy miezaka, mihitsy, ahafantatra
fa aoka ho ankamantatra
ny momba ahy sy ianao,
raha tia ianao dia izao:
Ianao tsy misy molotra hitohoka ny molotro,
Ianao tsy misy vatana hitady 'zay atolotro,
nolavin'ny kilema ka ianao tsy manan-tsiny
Iny hotiaviko iny.
Ianao efa niofo,
handà ny mahanofo,
Ianao tsy misy endrika
ka afaka ho arendrika
amin'izay iriako
ho endrik'ilay tiako.
Dia ilay ianao fanahy,
izay silaky ny ahy!
Ary fitiavantsika tsy handia tany,
fa nofinofy hatrany
Tsy resin'ny elanelana tsy vizan'ny fotoana
fa mifampitady foana!
Etsy, ianao, raha sahy
fa sasa-miandry antsika ny alitaran'ny fanahy,
'Ndao retsy e! Midira.
F'efa miredona ny hira.
Hjravs
"...Tovovavy tsy tonga lafatra loatra amin'ny bika aman'endriny
fa mahate-hotia no izy tarafin'ny fanahiny nisidina avo,
Fo sy fanahy ranofotsiny i Ravo... Kinanjo... Naniry kavina
ny sofiny, nihatsara ny tarehiny, tonga nofo ranofotsiny izy..."
(Valiha very fanahy)
--------
Rohy:
Sokajy :
Aingam-panahy - Fitiavana
Mpakafy:
z'andrygasy
Hevitra mandeha
z'andrygasy
(
18/06/2015 04:44)
Misaotra, tsara ilay izy. Izaho koa mba naniry, hamadika tononkalo an'io. Raha tsy diso aho notakarina avy amin'ny sombin-tantaran'NY AVANA ve io?
z'andrygasy
(
18/06/2015 05:04)
Fa ahoana Rangahy efa avo lenta ny asa soratr'areo. Tokony havoaka ho boky. Ohatra hoe mitambatra ianareo izay mifanakaiky. Zaho dia nandalina ny teny malagasy teny @ Anjery Manontolo, ka haiko ny mitsara tononkalo, fa tsy manana aingam-panahy hamorona satria mitaky talenta sy aingam-panahy izany:Ianareo manana an'izany:
Asa soratra maharavo
Talenta tena avo
Amin'ny itiavanay azy indrindra
Lova tsara tsy hay afindra
Avoahy ho boky amin'izay
Hitoetra mandrakizay.
Asa soratra maharavo
Talenta tena avo
Amin'ny itiavanay azy indrindra
Lova tsara tsy hay afindra
Avoahy ho boky amin'izay
Hitoetra mandrakizay.
hjravs
(
29/08/2015 04:16)
Mankantelina, zandry Gasy, ilay tantaran'i ED Andriamalala "Antso" no
niteraka ilay aingam-panahy ka! Dia 'za koa, maka anareo, rangahy a!
niteraka ilay aingam-panahy ka! Dia 'za koa, maka anareo, rangahy a!
