HARENA MIAFINA - hjravs

Azo vakiana?

HARENA MIAFINA

Nolazainy ahy mazàna,
fa fara-fahantrana
ny tsy fananana vola.

Toa tsy misy vidiny,
satria farahidiny
tsy mba afa-midola.

Dia novaliako,
hoe: "tapaho f'hovidiako
ny tongotrao an-kavia".

fa izy tsy sahy;
mbola satriny angaha
ny hamindra sy handihy.

Hay ny tongony ekeny
ho zava-tsoa, sarobidy
ka tsy azony amidy.

Fa ny sainy tereny
hanaiky ho voadidin'
ny "vola tsy hangidy"!

Andeha, retsy, isika mba hiara-hidola,
fa manan-tongotra isika, na tsy misy vola!
hjravs

Mombamomba

Mpanoratra : hjravs

Nampiditra : hjravs
Daty : 17/06/2016
Mpamangy : 803
Mankafy : 2

Tononkalo hafa

FITORIANA
LOKO TOKANA
14 febroary
KILASIMANDRY
TRANGAM-PIAINANA
Tantara
ALEOKO
5/5
Tantara : FONJAN'OLO-MARINA
AVERENO NY SARINY