ALAHELO (IARANTSOA Mahefa)

Alahelo...?
Tsy mba hananako hambo
fa mandoaka ny aty fo ,
Toy ny ranotrambo
mamaky fefiloha.

Tena tsy hay intsony
fa mahalasam-borona,
Toy ny rano an’ony
manafotra ny morona.

Mibahana ao an-tsaina
tsy hay atao ahoana,
Toy ny zavona maraina
manarona ny havoana.

Alahelo…..
Toy ny erika ririnina
mamonto lohasaha,
tsy eto ianao fihinina
ka ory ny fanahy.


20 06 2014
--------