NY SORATRAO (IARANTSOA Mahefa)

Nantsain'i ikalamako
(Nalaina tao amin'ny vetso.serasera.org)
Sondriana mankafy ny asa soratrao
ny lanitr' an-dolohako sy tany be hitsahiko.
"Inona no banga tsy ahefako toy izao?"
hoy ny dradradradran' ny fo amam-panahiko


Toa sora-mankadiry mitetitety taratasy,
tsy misy azo kianina, tsy misy iray mipika.
Ny peninao toa zanahary, fa ny ahy mangasihasy
mandrefy ny elanelana tsy hitovizantsika.


Dia mianoka tsy miolaka ny masoko variana
entinao misidin' eny an-danitr' andrarezina.
Velon-drevirevy sy injay maminavina
ny isan-jana-tohatra mbola hotetezina.


Mivandravandra loatra mananika vovonana
ny lentan-tsoratrao, fa ny ahy toa fakofako,
ka aza tsiny indrindra mametraka fifonana
fa velon-tsiriritra hatrany anaty rako.


Novambra 2015
--------
Rohy:
197 0
Hametraka hevitra
Midira aloha
Momba ny tononkalo
Mpanoratra : IARANTSOA Mahefa
Nampiditra : iarantsoamahefa
Daty : 14/09/2023 10:25
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0149