TIAKO TALOHA (IARANTSOA Mahefa)

Satria ny amintsika efa rodana ihany
ka dia aza tsiny raha toa ka handao.
Hamafa ny lasa sy hanorina akany
honenan 'ny foko any lavitra anao.

Hatreto aho nitia tsy nanisy fepetra
hanandratrana anao tsy hanan-tsahala.
Nanaiky nilanja ny zioga rehetra
saingy mazàna toa anjorom-bala.

Tsy teliko intsony ny kapoaka mangidy
niaretako teto sy nandrotika fo.
Niezaka hatrany aho ka afaka adidy:
veloma masîna ry tiako taloha.
--------