DIMY ihany (Iavotra RAMANAMPAMONJY)

DIMY ihany

Dimy ihany ny litera
tiany fony ho soratana
fa sao ho diso be tsikera
reo mpiventy tonon-kafatra

dimy fotsiny efa ampy
tsy ilaina antoko amboniny
dia hinoany hiantsampy
aminao ny ngoningoniny
ao am-po

fa fitia litera dimy
ny hoe tiako dimy koa
izany ngamba tsisy tsiny
ra hivoaka avy ao am-po
ho aminy iany...reo litera

Iavotra
--------