SARO-KENATR'AHO (ILIMIM JIVISDI)

AZA HOMENA TSINY AHO
RAHA SARO-KENATRA AMINAO
KANEFA, raha hakipinao ny maso
Tsy hibanjina ny tavako
Raha fihininao ny tanako
Hilazako ny ao am-bavako
Dia ho tsapanao ny ratrako,
Fa raha hondananao ny tratrako
Dia angamba ho tretrika aho,
Dia angamba ho tsapanao
Izay hafenimpeniny ao,
Dia angamba mety ho mora
Fa raha foananao ny ora
Ka izaho sy ianao ihany
No hitoetra ambon’ ny tany,
Dia tsy hampaninon’ahy !
Fa amin’izay fotoana izay
No hamborahako fitia
Nokoboniko efa ela…
ENY, SARO-KENATRA AHO
NY HILAZA TSOTR’IZAO
FA TENA TIAKO IANAO.


[ILIMIM JIVISDI]
--------