TSIKY - ILIMIM JIVISDI

Efa fatram-piangola
Voninkazo ianao ry aina,
Mody sina takariva
Fa baliaka vao maraina,
Ka ny maso no maniry
‘Zato tsikinao sariaka
Toy ny raozy vao mitsiry
Etsy anivon-jaridaina.
Dia mahalasa saina,
Mahatoro ny vinany.
Efa fatram-piangola
Paradisanao ny tany…
Fa ny amiko tsy laitra
Aloka aza voazaitra
Sendra ravina efa maina
Rivotra aza mahataitra.
Dia tsy mora velively
Bozaka voafato-tady
Vao nomenao tsiky kely
D’ efa babonao sahady.

Ilimim Jivisdi
By JJF (Jean Jacques Fredi)

Hametraka hevitra

Midira aloha

Mombamomba

Mpanoratra : ILIMIM JIVISDI

Nampiditra : ILIMIMJIVISDI
Daty : 02/06/2018
Mpamangy : 522
Mankafy : 0

Tononkalo hafa

EO IMASONAO
Ianao…
MIHARITRA
FITIA
VOADY MANDRA-MATY
HETRAKETRAKY NY TANY
IANAO NO TIAKO
VAVAKA!
TARAINAN’NY BANDY
ALINA IRAY