You are here: home > Vetso

VATOLAMPIN’NY FAHAMARINAKO - ILIMIM JIVISDI

Azo vakiana?

Fa ny Elatry ny  Ray Mpandrindra,
No Indramiko eny ampanidinako
Eny an-tendrombohitra avo indrindran’ Ilay VATOLAMPIN’NY FAHAMARINAKO

Ny handao anao anie tsy ho sahiko
Ny Ilofika amin’ny fahotana koa
Mifohaza tao ianao, ry fanahiko
‘Ndrao hahatora-kovitra tokoa

Iriako loatra Tompo izato lalako
Sy izay sahaza 'lay kapoakako ao
Omenao ahy va re ny Fiadanako ?
Aoka anefa :"atao ny sitrakao" !

Andriamanitro ianao no andriko
Antanifoam-bakivakim-pahoriana
Fitokiako ianao no sady sandriko
Ny teninao no fitaovam-piadiana

Ary amin’ireto izaho no mba hanoratra
Ny zavan’ny fanahy, tsikaritro
Anatranatra sy soratsoratra…
An’ilay VATOLAMPY, tsy voafaritro !

Fa ny Elatry ny  Ray Mpandrindra
No Indramiko eny ampanidinako
Eny an-tendrombohitra avo indrindran’ Ilay VATOLAMPIN’NY FAHAMARINAKO

2Nefia 4:16-35
   23H:30mn
ILIMIM JIVISDI

Hametraka hevitra

Midira aloha