...Foana (JAO Anjara)

…Foana
Ny sakafo aza mamanala,
Ny fanaovan-jiroko efa foana
Ary ny ranomasoko nanjary ritra,
Hisasaka ihany ity ny alina kanefa ianao tsy hita...

Tsy indray, tsy mba indroa
Fa isan’andro izao manempoka ianao
Ny ankizy vonton-drano,tsy mipizo tory
Ho vato ihany izany fo fa mbola tsy hita ianao…

Hadisoanay ve ny hamorona akany
Hifindra lasy,hisintaka any ho any
Hitady fasambarana,handeha hitety rano
Tsy ho tsininay fa ianao nilentika,tsy hita hatrizay

Tsofiko ny jiro, avaloko ny lamba
Ny mosoara apirimiko, fandrao ho lany andro
Handefa ny vinany, amin’olo-tsy manjary.

Mandra-pihaona …ry adala mahonena
Fa ny akany miandry anao
Ilay fitia mbola ao ,fa tsy azonay hosena.

JAO Anjara
--------