Tohy (Karako)
(Nalaina tao amin'ny vetso.serasera.org)
Hanatitra sy hitsena toy ny fanao fahinyManao maty hitsaka iny lalana iny.
Hitantana anao, toa menatra fa sambatra
Mamboraka fitia na bada sy miambatra !
Hanetsika indray ilay tadin'herinaratra
Ilay fanaontsika raha te-hilaza hafatra.
Hafatra mafonja, koloina sy enti-maty :
Ny fitiavako anao dradraiko sy aranty !
Andao isika roa hisinda, hitoka-monina
Hamonjy torapasika, haolo tsisy olona.
Miara-manonofy, dia miaraka manonja :
Ny lantolanto’ny onja tahafina hitondra...
Dia hifampitantana hianika alitara
Hanavao indray ilay voady tena tsara.
An-tananao ry Tompo ny atao sy kinasa :
Ny tokantranonay roapolo taona lasa !
Karako
2020-03-04
--------
Rohy:
https://vetso.serasera.org/tonokalo/karako/tohy
Sokajy :
Vavaka - Tsingerin-taona - tsara - Hanina - Fitiavana - Fianakaviana - fiainana - Fahatsiarovana - embona - Aingam-panahy
