Tsikotsiko (Karako)
(Nalaina tao amin'ny vetso.serasera.org)
Tsikotisko kely,Ritsodritsok’etsy
Dia rava ny fihavanana;
Miady ny mpinamana!
Fosafosa lava,
Tia mangarom-bava:
Fanaon’ny malemy
Tsy mahatana teny.
Vilambila-maso
Faly manatsatso:
Milaza fialonana,
Mandrava fiombonana!
Tsingoloka kilema,
Mikimpy ny an’ny tena.
Manaratsy ny hafa,
Tia resaka sy tafa.
Ny teny toy ny atody
Mangina fanafody
Mandinika elaela,
Mamadibadi-dela.
Manakombom-bava:
Fihavanana tsy rava!
Mangina volamena
No fanajàna tena!
Karako
2016-01-29
--------
Rohy:
https://vetso.serasera.org/tonokalo/karako/tsikotsiko
Sokajy :
fananarana - Fiaraha-monina
