Lavitra... (Karako)
(Nalaina tao amin'ny vetso.serasera.org)
Lavitra ahy ianao fa misy elanelana;Zara raha voakasika.
Ny fihaonantsika dia zary serantserana
Sy toa mamasipasika!
Lavitry ahy ianao ka lasa mamanala
Ilay afo niarahana;
Tsy afaka amindroana fa mampisalasala :
Kitay lany fahana!
Lavitra ahy ianao ka zary mpivahiny,
Lasa olon-kafa.
Raha sendra tafahaona mifanome tsiny
Sy mihavitsy tafa!
Lavitra ahy ianao fa antenaiko kosa
Fa mbola hody indray!
Hiara-handrehitr’afo sy manala trosa
Fitia mivaivay...
Karako
2018-03-02
--------
Rohy:
https://vetso.serasera.org/tonokalo/karako/lavitra
Sokajy :
Hanina - Ahiahy - Fisarahana - Fahatsiarovana - embona - Alahelo - Aingam-panahy - Fitiavana
