Masina ny firenena - Karako

Azo vakiana?

Ilay nanongam-panjakana
Sy tsy miraharaha lalàna
No injao aindraindra
Sy toa masina indrindra !

Hadino ve ny fanimbana ?
Hadino ny fanazimbana ?
Tia manao loham-boto
Sy mampihinana maloto...

Ilay tokony ho any am-ponja
No injao fa hoe hitondra..
Mitrosona ny firenena
Mbola ho tohizana hosena ?

Tsy nisy akory zava-bita
Saribakolin’ny any ampita ;
Mpitsetsitra ny firenena
Akama ihany no mi-hena.

Nikevoka ny mba hanao
Izay vita teo aloha ravao.
Dia hatao manara-penitra :
Lavenona natao simenitra...

Io anie mahay miala
Miafina tsy tratram-bala ;
Vao manomboka mafana
Avelany eo ianao ry nama !

Ilehio anie fatsora
Ka hainy ny miala mora :
Handositra an’i Gasikara ?
Dia any am-bodin’ny fiara…

Very ny zanaka amam-para
Raha ilehio no lazaina “tsara”.
Izy tsy ampy fahendrena :
Mpivarotra ny firenena.

Aza sodoky ny hatanorana
Sao raiketa no hifafana...
Aza jamben’izato bika
Fa ny salakany firinga...

Ry tanora ô, mifohaza,
Tanora anie ianao tsy zaza !
Miandry anao ny firenena,
An-tananao ny fandresena !

Masina ny tanindrazana
K’aza mety ho tambazana.
Maty hasina ilay Samboady
Aza averina aminy azafady !

Karako
2018-10-15

Hametraka hevitra

Midira aloha

Mombamomba

Mpanoratra : Karako

Nampiditra : karako
Daty : 15/10/2018
Mpamangy : 1744
Mankafy : 1

Tononkalo hafa

Jesoa no maniraka
Tohy
Isaina
Lova tsara
Tsy irery ianao
Ry zanako
Lavitra...
Tsikotsiko
Laolao teny
Rehefa aty Andafy