Vetso ho anao ry reny (ketaka kely)
Mbola tsisy niantsa
(Nalaina tao amin'ny vetso.serasera.org)
VETSO HO ANAO RY RENYRy reny rehetra izay velon'aina
Henoy izato bitsika
Ny fiainanao anie ho vitsy taraina
Ka havitribitrika
Ny fitadiavana sy ny fitaizana
Ho maivana atrehina
Ka tsiky sy hehy ary koa reo korana
No hiverimberina
Irariako erampo hoe ny reny rehetra
Ho sambatra tretrika
Ho foana ny jadona sy herisetra
Ka hitotorebika
Raha misy masiaka mandratra ny vatana na koa ny fo
Ny loha atrakao
Fa ny Ray ao ambony ,ilay mpanasoa
Mitazana anao
Ry tompo mahery o^, tahio re ny Reny
Hiadana am-po
Na inona ady , ampio izy ireny
Ho tojo ny soa !!!!
Ketaka kely (09/09/09)
--------
Rohy:
Hevitra mandeha
Mysento
(
12/09/2009 16:47)
Ny reny,ian angah???Tsara ilay vetsonao.
nyratsima
(
19/09/2009 13:24)
misaotra an'i Mysento ! ny eny aloha izao no ivoahan'ny aingampanahy fa miandry anareo hamoaka ho an'ny ray e ! misaotra e !