FA MANINONA ? (Laingo)

Mbola tsisy niantsa

Hangataka antsa
(Nalaina tao amin'ny vetso.serasera.org)
Fa maninona ny olona rehefa tia amin’ny fo
No tsy maintsy mijaly mitondra faisana avokoa?
Fa maninona izy ireny no mitaraina tsisy farany
Fa ory sy fadiranovana noho ny amin’ireo malalany?
Fa maninona ary isika rehefa tofoka sy leo
Raha mba mitsotra hoe tsy tia dia misaraka hatreo
Fa tsy lasa mampirafy mifindra etsy sy eroa
Manao izay tena mahasosotra sady mamparary fo
Fa maninona isika no tsy mba mety ho tia
Ny fiarahana maharitra na mandrakizay doria
Izay manaja ilay fitia dia tena atao tsinotsinona
Inona no anton’izany …? Fa maninona e, maninona ?
Laingo RAMAROHAVANA
24/11/01
--------
Rohy:
Sokajy : Fitiavana
1893 1
Mpakafy: kelyb
Hametraka hevitra
Midira aloha
Momba ny tononkalo
Mpanoratra : Laingo
Nampiditra : llaingoo
Daty : 15/10/2009 06:47
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0735