Any ho any - lain's rakoto

Nangina teo ilay tokonana
Lasa sary fahatsiarovana
Endrika mahatorovana

Teo ilay fitoerany
Toarana fonenany
Fonenam-panembonany
Ankohonany tsy foiny

Tsy maintsy nilaozany
Nialany ny ankaniny
Hiova vaovao indray
Ny fitoerany hatrizay

Ilay kotaba kely
Adiady tsy mba foiny
Milaozany avokoa
Fiainana hafa indray

Vava vokaka ny hany
Hany mba fitazany
Rangolahy mangina
Any no fonenany

Toerana mangina
Lavitra andriana
Tsy maha be fanontaniana
Akany mafy fandriana