MPITOLONA MANGINA (lain's rakoto)

Miady mafy re ny fo
Mitaraina koa ny saina
Mitoloko ny fanahy
Mitabataba koa ny nofo
Midradradra mafy
Mitady izay ho azy
Manaiky sy manda ny saina sy ny fo
Mangaina mitogaigy
Mahatsiaro miady irery
Miady irery sy manjeny
Malahelo mitomany
Manjombonjombon-dava
Miady irery foana
Mitolona mangina
Hanavaozana azy telo
Hamonjy sy hamaha
Izay fatorana mangeja
Miady irery ny fanahy
Mivavaka mangina
Mitolona milamina
Mikaroka tsy miato
Hanavotana sakaiza
Hamonjena ireo manihy
Mananantena ho mpandresy
Lain's Rakoto
--------