Resy tokoa ve taniko? (lain's rakoto)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ngolingoly izany foko
Rotidrotika toloko
Misentosento lava
Manjombojombon-dava
Toy ny miaramila resy an ady
Voageja mafy amin'ny tady

Toa tsy afaka manohatra
Tsy afaka mitroatra
Manofinofy sisa azo atao
Mivavaka mitalao
Nefa indrisy tsy misy mpanavotra
Mandetika manosika mandrefotra

Tsy misy akory iray milefitra
Mandaroka mandratra
Izany vatako efa osa
Manararaotra ireo kanosa
Mandrovitra lambako
Mamotika tavako

Maka izay tsy azy
Mamotika manasazy
Fa izaho resy an ady
Tsy afaka miteny sy mandidy
Resy aho ka aleoko mangina
Hampangina ny faniriana

Lain's rakoto
30-09-16
--------
Rohy:
798 0
Hametraka hevitra
Midira aloha
Momba ny tononkalo
Mpanoratra : lain's rakoto
Nampiditra : Naje
Daty : 03/01/2017 06:22
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099