Aleoko (Lee Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Aleoko

Injay zany hetraketraka ho ahy
Tsy mety hitako izay ho anjarako
Ity fo tsy tony, ny saiko manahy
Mieritreritra izay mety hiafarako
Midoboka mangina sedrain-toloko
Mikiky ao anaty ireo fery hatrizay
Navelan'ireo fitia tsy anjara nosotroiko
Aleko hiandry any amin'ny mandrakizay
Fa nahoana kosa ry fiainana
No tsy omenao izay mba ilaiko
Fa resy aho ka velom-pitarinana
Ka aleoko hamoy ity aiko
Sendra tojo sampanana ny fo
Miandrandra ilay fahasambarana
Fa mbola fijaliana lehibe tokoa
No nanjoy ka tsisy fitsaharana
Ireny lavenon-dasa nolalovako
Tsy mba nahafapo ahy loatra
Fa ny fery hatrizay no narovako
Ka aleo miandry any ankoatra
Aleoko any an-danitra any
Miandry izay anjara ho ahy
Fa leo sahady ny ety an-tany
Manapotika ny fo sy fanahy


Lee Andrianalaina
02jolay 2021
--------
Rohy:
Sokajy : Aingam-panahy
413 0
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 13/07/2021 13:41
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101