Raha handao - Lee Andrianalaina

Azo vakiana?

Raha handao....

Raha handao ianao
Aza mitoetra intsony
Tohizo iny lalanao
Raha izau hampitony

Fa voninkazo vao nitsiry
Ity fiavako ry lala
Ka tsy hitsoka ve tsiriry?
Odinao tsy mahalala..

Raha mbola handao ihany
Aleo tonga dia tsiory
Fa efa leo ny tomany
Ity foko zatra ory....

Raha handao izato tsiky
Sendra mba niserana....
Iza ndray moa ry iky....
No ho voninkazo fanaperana

Raha handao dia izao...
Mandehana tsy manahy...
Fa tsy ho zakako ny ao
Mampahory ny fanahy

Raha mieritreritra handao
Aza misalasala intsony
Etsy omeko ny lalanao...
Maniry ny ho eny ambony.

Raha handao ahy ianao..
Indray andro tsy fantatra...
Mandehana izao dia izao
Fa ity fo leo tebiteby....


Lee Andrianalaina
22 octobre 2021
    

Mombamomba

Mpanoratra : Lee Andrianalaina

Nampiditra : David John Lee Andrianalaina
Daty : 25/10/2021
Mpamangy : 190
Mankafy : 0

Tononkalo hafa

Fery tsy nikatona
Adala
Aoka
Tsy fitsara....
Efa hafa indray
Teneno aho..
Nahoana no tsia...
Maika
Niangaranao
Faneva nahofako