Teneno aho.. - Lee Andrianalaina

Azo vakiana?

Teneno aho....



Teneno aho raha tafahoatra
Ny fitiavako ianao ry lala....
Teneno aho raha kely loatra
Ny fanantenako re ry malala

Teneno raha sendra ka tezitra
Fa tsy vaha olana ny valifaty
Raha andeha ianao teneno aho hitady hevitra
Hitehirizako fitiavako tsy mba ho faty...


Teneno aho raha handao ahy ianao
Fa ritra tampoka ilay fitia nantenaiko
Teneno dieny izao raha ho sahinao
Hanitsaka ireo voady nandraindraiko..


Teneno aho raha trotrakin'ny fahantrako
Fa tsy tsapako akory izany ry aiko....
Teneno aho raha sanatria ka noratrako
Ilay fonao nitia izay mba nantenaiko......


Teneno aho raha sendra ka lavo
Fa haizin-kitroka lava ity lalovako
Teneno aho raha tokony hivazo
Fa izany no fanafody mba hialofako..



Lee Andrianalaina
19 octobre 2021

Mombamomba

Mpanoratra : Lee Andrianalaina

Nampiditra : David John Lee Andrianalaina
Daty : 19/10/2021
Mpamangy : 290
Mankafy : 0

Tononkalo hafa

Fery tsy nikatona
Adala
Aoka
Raha handao
Tsy fitsara....
Efa hafa indray
Nahoana no tsia...
Maika
Niangaranao
Faneva nahofako