Aza avela hahalala (Lee Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Aza avela hahalala


Raha sendra ho any ianao
Hamangy iny malalako iny
Eny efa tsy ahy fa nandao
Ka hoe malalako fahiny
Lazao azy fa efa tony sahady
Ilay afo miredareda noho azy
Lazao azy fa efa tsisy ady
Na fahoriana toy ireny sazy
Raha hitanao izy, aoka ianao
Tsy hilaza ny marina aminy
Lazao izy fa efa nadinony anao
Ny tavanao efa tsy tadidiny
Aza lazaina azy akory ireto
Fahoriako hitanao isan'andro
Ny senton'ny fo tsisy fetra
Filaminan'ny saina tsy tazana
Ireto sariny notehiriziko hatrizay
Lazao izy hoe efa nodorany avokoa
Efa sio-drivotra hoe fa tsy afo mahamay
No iainako amizao , efa nahita ny soa
Aza lazaina fa mbola tia sy adala
Lazao fa nanadino ny hankatony
Eny e, aza avela hahalala
Ataovy hoe efa tsy ao anaty aratony


Lee Andrianalaina
9 juillet 2021
--------
Rohy:
Sokajy : Aingam-panahy
300 0
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 13/07/2021 13:36
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0102