Isaorako ianao (Lee Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Isaorako Anao


Isaorako Anao na sarotra
Ny lalana nodiaviko ry Tompo
Fa hiezaka aho tsy hatahotra
Na arivo lahy ijoro anoloako
Fa na mafy aza ny fitsapana
Na ho feno tsilo ny lalan-kizorako
Fa zakaiko foana raha izany no hatsarana
Hiezaka aho hampitombo finoako


Na sedrainao hatrany ny fiainako
Fa ianao no antom-pivelomako
Ianao re no mba andry itarainako
Raha sendra ka tonga ny androm-belomako
Isaorako ianao Andriamanitra Ray
Fa fahasoavanao no nahatoy izao ahy
Na impiry lavo izaho tsy fay
Raha izay no itondranao ny fanahy....


Ny aretim-poko mikiky isan'ora
Ny fahantrako toa tongom-bakivaky
Kanefa izany nositraninao mora
Isaorako ianao ry Tompo Andriamanitro



Lee Andrianalain
12 septembre 2021
--------
Rohy:
Sokajy : fiainana - Aingam-panahy
354 0
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 12/09/2021 13:21
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106