You are here: home > Vetso

fito febroary - manantena

Azo vakiana?

Asabotsy fito febroary
No niseho sy niharihary
Ny herim-pon'ireo vahoaka
Tsy nisy niala sy nitsoaka
Teo amin'ny kianjan'ny 13 mai
Hanohana an'i TGV

Vahoaka Hendry sy milamina
Nanaja tsara ny rindran-damina
Hametraka praiminisitra
Hanala izay tsy ao anaty lisitra
Ka niaraka nirohitra
Hanatitra eny Ambohitsirohitra

Kanefa inona no nitranga
Miaramila, bemoranga
No nandripaka vahoaka
Tsy nisy afaka nitsoaka
Fa variraraka any zany
Be no lavo tamin'ny tany

Tao ny maty avy hatrany
Ny ra, miparitaka aoka izany
Faty etsy , faty eroa
Mitsitsitra eny avokoa
Ireo rotiky ny bala
Fa izy hono tsy hiala

Fa ho aripany avokoa
Izay miseho ho beloha
Handrobaka ny fahefana
Eny an-tanan'i satana
Monina eny Ambohitsirohitra
Sy eny Faravohitra

Fa devoly lava Rambo
No miseho midingindrambo
Mampamono tsotra izao
Ny mpiray tanindrazana aminao
Tsy misy fo mitempo intsony
Angamba amin'ny vatan-dry lerony

Kanefa na izany aza
Aza ato hoe hevi-jaza
N'inona n'inona mitranga
N'inona n'inona midona
Ny tolona tsy maintsy mandresy
Masina ny tanindrazana

Hevitra mandeha

llaingoo (08/05/2009 10:22:11)

Ny agegeny retsy no te andeha ho eny amin'ny zone rouge a. Mba hampianaro ny ankizy ny lalana tokony halehany amin'ny manaraka.

ketta (13/10/2010 11:06:53)

Rehefa afaka ny dimy ambin'ny folo taona any ho any dia itodiho iny indray andro iny, angamba mety ho hafa ny fijerinao azy, noho zao anio zao.
Eo ianao ry Manantena vao mety ho gaga fa hay ve ka toy ny ondry asesika ho voinina ireto antsoinao hoe "vahoaka tsy manantsiny", Izaho sy ny tantara kosa amin'izay sahy hilaza fa vendrana sy donto izy ireny
Ekena fa tsy matimaty foana tsy akory fa nandatsaka ny rany ho an'olom-bitsy, saingy tsy ho an'ny Firenena akory

Hametraka hevitra

Midira aloha