You are here: home > Vetso

Tsy maninona - manantena

Azo vakiana?

Raha toa tsy sitrakao
Ny fiarahantsika roa
Tsy maninona lazao
Raha toa ho lavinao
Ny hiarahako aminao
Tsy maninona ambarao
Fa hiezaka aho ny hitia
     Anao hatrany hatrany
     Tsy hihemotra aho satria
     Ianao irery ihany
     No tiako eto an-tany
Raha misy olon-kafa
Efa miaraka aminao
Tsy maninona lazao
Na koa olon-kafa
Andrandrain'ny fonao
Tsy maninona ambarao
Fa vonona aho ny hitia
Anao an-tsokosoko
Tsy maninona satria
Efa voasikotra ato am-poko
Raha toa ny fahantrako
No mampihemotra anao
Tsy maninona lazao
Na koa ny firazanako
No tsy mitovy ny anao
Tsy maninona ambarao
Fa vonona aho ny hanompo anao
Hatramin'ny fara-fofon'aiko
Ny ho bodo sy andevonao
Tsy maninona ho zakaiko

Sa kosa ho tokan-tena
Hisafidy hanao masera
Tsy maninona lazao
Fa vonona aho hanao maopera
Na koa hanao frera
Hanakakaizako anao
F'efa lalim-paka ilay fitia
Tsy ho faty intsony sanatria
  vonona aho ny hitia an-dry
  Mandrakizay doria doria



Hevitra mandeha

katiaa (03/12/2009 21:35:55)

snif

rivaando (11/01/2010 09:36:40)

defa araana hatrany @ndry masera mitsy ve? hihi

manantena12 (14/01/2010 15:33:21)

Atao ahoana refa tia eh

Hametraka hevitra

Midira aloha