Mahantra hoy ianao ny Malagasy - manantena

Azo vakiana?

Mahantra hoy ianao ny Malagasy
Sahiran-dava izao sy mangasihasy
Mitsiriritra mafy mahita ireo vahiny
Miadana, finaritra, toa tsy manan-tsiny
Kanefa, harena hono izany
Ao an-kibon'ito tany

Raha zava-boahary no 'ndeha ho lazaina
Dia I Madagasikara no mby ao an-tsaina
Fa hananany avokoa ireo izay tsy fahita
Antenaina hitondra soa ho an'ny tanindrazantsika

Raha zohina indray ireo zanaka naterany
Tsy misy mampanahy fa manambaka ny any ivelany
Nisy maro tsy voatana, lasa niondrana avokoa
Handranto fahalalana sy hitady izay mahasoa

Ny eto hono mantsy, tsy misy azo antenaina
Fa mandry an-driran'antsy, ka mampiferin'aina
Izay atao rehetra, ilana vaniny daholo
Be mpisetrasetra, ka mampitsangam-bolo

Hevitra mandeha

endrika01 (01/03/2009 13:07:15)

tsara lay aingam-panahy.

Mombamomba

Mpanoratra : manantena

Nampiditra : manantena12
Daty : 28/02/2009
Mpamangy : 1701
Mankafy : 1

Tononkalo hafa

Manimanina
izaho irery
Tsiaro anao
Tsy maninona
Indraindray
Aza kivy
mbola ho avy ny maraina
Fanehoam-pisaorana
Tsy tsapanao
Tsy ekena intsony