HAFATRA (Hajanirina Mahavaly)

Amin'izao faran'ny taona izao
Indro aho mitodika aminao
Ianao ilay namako hatrizay
Anio,ampisto ary ho mandrakizay

Raha nisy tsy nety nataoko taminao
Mifona re aho , mivalo, mitalaho
Olombelona ihany moa ny tena
Ka tsy maintsy misy fahalemena

Fotoana mety izao,hifamelana heloka
Hanesorana ny fahavinirana sy ny fo lentika
Ndao isika hifampiantra sy hifamela
Ka hifankatia amin'ny andro sisa tavela

Izany no hafatra tiako ambara
Ka eritrereto sy diniho tsara
Samia ho tahin'Andriamanitra
Ka samy hatratra ilay asaramanitra.

Hajanirina Mahavaly ( 31/12/18 à 09h00)
--------