Avelao (Miarantsoa Anicet)

Mbola tsisy niantsa

Hangataka antsa
(Nalaina tao amin'ny vetso.serasera.org)
Atopatopan'onjan'ny erika maraina
Avezivezin'aloka sy rivotry ny alina
A!...
Sambatra aho !
Saininao mijaly
Kanefa tena faly.
Avelao aho hiloloha ,
Avela aho hivimbina,
Avelao hisakelika ,
Avela hivongika
Avela ...
Avelao aho
Avelao hivongika vongan' alahelo
Avelao hiampofo antontantontan-tsento.

Raha ho tonga ianao....
Fantatro fa tezitra...
Ivimbino aho ....
Ivimbino .
Ivimbino tsiky romotra
Ivimbino maso mena ,
Ivimbino hagaigena,
Ivimbino aho ....
Ivimbino .

Ampio ny fahoriako !
Ô! Ry tiako !

Ry tiako !
Avela aho ho faty!
Avela ho fatin' alahelo
Sy dobodobo-po ary dodododom-po .
A! Ry dodododom-po mandodona tokoa !
Kiaka ny fitiavana
Fa sendra izay fandavana !

Raha toa ianao ka tonga
Dia io efa misonga
Ny varavarantsika .
Ô ry malala feno bika.
Eny !
Misy ianao:
Antsaiko toa tantely
Fa zanak' Anjely.
MIARANTSOA ANICET
--------
Rohy:
1077 3
Hevitra mandeha
NyKanto ( 18/11/2004 19:40)
Ny maso jamban'ny fitia
Tsy mba mahita fery
Sy ny jaly izay mamely.

Fa iaretany ireny,
na dia mampirediredy
Hoe sambatra izy raha niteny.

Ny Kanto
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0099