Tsy tantinao (mpandalo)

Mbola tsisy niantsa

Hangataka antsa
(Nalaina tao amin'ny vetso.serasera.org)
Na lazainao ho maditra,
Na lazainao hoe be loha
Na lazaina ho bebe fika
Na lazainao ho jiolahim-boto;

Izay ilazanao ahy tsy ahoako
Fa ny fantatro hatreto
Ny tato am-poko no nivoaka
Dia ireo noheveriko fa mety;

Na lazainao ho mivaona
Na heverina ho mania
Na raisinao ho zava-poana
Na atositosika ho mahia;

Tsy mampaninona avokoa
Izay tianao hamehezana ahy
Na ho ratsy na ho soa
Tsy hampiova ny fanahy.

Fa efa fantatra mialoha
Ny lalana tsy maintsy hodiaviko
Ary mbola averiko ihany koa
Tsy ianao no hamaritra ny hoaviko.

Ny rehetra vitako hatrizay
Dia ampy hamintinako ny lasa
Nivantambantana aho, mazana nivaivay
Raha tsy tantinao fa miavaka amin'ny hafa,
Inona no mbola andrasana, sa latsa?
Sao lahy vao mainka tsy ho zaka.
--------
Rohy:
Sokajy : Hambom-po - fiainana
1453 0
Hametraka hevitra
Midira aloha
Momba ny tononkalo
Mpanoratra : mpandalo
Nampiditra : tsial
Daty : 25/11/2009 08:10
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.014