Mbola ilaina ve? (mpandalo)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mbola ilaina ve ny ranomainty
Hametrahana tantara?
Sao dia efa manakaiky
Ny hiavian'ny anjara.

Mbola ilaina ve ny ventsoventso
Hanangonana tomany?
Sao dia efa atsy ho atsy
No handaozana ny tany.

Mbola ilaina ve ny disadisa
Hamoronana ahiahy?
Sao mba efa kely sisa
Dia ho rava ny tsiahy.

Mbola ilaina ve ny tambitamby
Hamerenana fitia?
Sao dia efa zary sangy
Tafahoatra, mampihemotra ny dia.

Mbola ilaina ve ny hiverenana
Amin'izay rehetra vita?
Sao hanjary hanenenana
Raha tsy ho tody ery am-pita.
--------
Rohy:
1457 0
Hevitra mandeha
hery ( 26/11/2009 08:48)
Hmm, mananontanona ve ny 2012? :-)
tsial ( 26/11/2009 09:08)
hery: tsy ny 2012 akory no farany. Fa mety efa atsy ho atsy ....tsy azo vinaniana.
Hametraka hevitra
Midira aloha
Momba ny tononkalo
Mpanoratra : mpandalo
Nampiditra : tsial
Daty : 25/11/2009 08:26
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0119