NY tena reny. (Nirhy-Lanto)
Mbola tsisy niantsa
(Nalaina tao amin'ny vetso.serasera.org)
Fa ny reny dia nitohokatamin-drano tsy nilainy,
noho ny zaza tao am-bohoka:
dia ny tena sombinainy!
Ineny irery sisa raikitra,
raha nisy ray voalaza,
tsy nivonona hiandraikitra:
nahavatra nianga-jaza!
Na dia noho ny hatsembohany,
faly, lany mondron-kery,
dia ny reny no talohany
niankin-drindrin-tsamirery!
Nisy ray nanary zanaka,
fa ny reny, tena reny,
loharanon'ny taranaka,
sanatria, tsy mba voateny!
Nirhy-Lanto
(Nalaina tao anatin'ny boky rindrambolana nivoaka ny taona 1996)
--------
Rohy:
Sokajy :
Fitiavan-dreny.