Tsy mety ritra - Nosy Malala

Azo vakiana?

Fitiavana tsy mety ritra,
Mihamazava, mibaliaka.
Fitiavana tsy mety lany,
Atolotro ho anao hatrany.

Ny fiainana tanaty taona maro,
Tsaroina mifangaroharo,
vao maika nanamafy ny  tady,
Mamatotra ho  mpivady.

Ireo fahiny, tsaroina  hatrany,
Rehefa lasa ny vinany,
Sahirana ery, sa tsy izany akia,
Ny hamboraka ilay fitia !

Averiko angatahana eto,
Miala tsiny aho raha feno sento,
Manaiky ve izany havako izany,
Hanohy dia, hiaraka amiko hatrany ?

Mandrapaha-tapitrin'ny fotoana,
Ianao dia ho tiako foana foana.
'Lay fitia saika nahalasa adala,
Miboiboika, mbola tsy mety miala.
.
Fitiavana tsy mety miofo,
Noravahantsika  solofo.....
Fitiavana tsy mety ritra,
Fitiavana ny fiainantsika.

Nosy Malala
13 Febroary 2022

Mombamomba

Mpanoratra : Nosy Malala

Nampiditra : TononkaloNM
Daty : 14/02/2022
Mpamangy : 452
Mankafy : 0

Tononkalo hafa

Resaka politika
Mirotsaka ny orana
Bonheur contagieux
Magnifique mer
Lera,
Mandrosoa avy hatrany,
Comme lorsque j'ai été enfant,
Mi aime a ou
Tu avances sans médire,
Mpanoratra sy ny tononkalony