You are here: home > Vetso

Ho maraina, - Nosy Malala

Azo vakiana?


Ho maraina,

Izato havitrihanao,
Manosika varamba,
Mitsiky fa tsy mitalao.
Mamakivaky Andavamamba.

Ery, mibaby zaza koa,
Mivarotra amoron-dalana,
Voanjo amidy amin'ny madikô,
No antoka mba hihinanana.

Gony efa ho efapolo,
Taritinao ami(n'ny) sarety.
Ny hafanana toa mandoro,
F'enao mijoro tsy mba resy.

Alimbe vao tafody,
Io fa mba nilaoka atody.
Tsy ela indray dia ho ampitso,
... Mbola izy ve no diso ?

Anananao ny fikirizana,
Mitraka enao na día vizana.
Tsetratsetra sy taraina....
Oviana vao tena ho maraina....

Nosy Malala
01 aogositra 2022