INDRISY... (Nosy Malala)
Mbola tsisy niantsa
(Nalaina tao amin'ny vetso.serasera.org)
Indrisy, Inay aho, raha afaka niteny,
Mba nitalaho tamin'ilay Reny,
Raha vao nanomboka nitsiry....
Ny hevitra hoe'zaho tsy iriny.
Eny e ! Sarotra ny mitsara,
Reny foana izy, Izaho no ratsy fiafara.
Tsy afaka niady, nanaiky ny safidy,
Tsy namela ahy ho isan'ny ankizy.
Fanirina mantsy ny mba ho ary nofo,
Indrisy fa ny aiko dia nalaky voafofo.
Noho ny ankaso dia tapitra avy hatrany,
Ilay nofinofy, saika hiaina eto an-tany...
Nosy Malala
Septambra 2021
--------
Rohy:
Sokajy :
Fianakaviana - Fahafatesana - fanantenana - fananarana - embona - Alahelo - Eritreritra mandalo - fiainana - Aingam-panahy
