You are here: home > Vetso

Ady amin'ny tsolotra - Nosy Malala

Azo vakiana?

Ady amin'ny tsolotra,

Manotra loatra isika fa mahantra,
Sa mahantra loatra dia manotra ?
Tia tanindrazana eo amin'ny molotra,
Nefa maika sy kinga raha hanao tsolotra.

Ao antsaina ao dia tsy sarotra mihitsy,
Ny ady amin'ny risoriso, mandeha lalana mahitsy
Mandray andraikitra ve ireo manapahefana,
Mbola mandifotra ny risoriso eto antanana.

Mandrora mitsilany ny fanaovana izany,
Ny firenena efa isan'ny farann'ny eran-tany.
Mety hanam- bola , ny fianakaviana ho falifaly,
Fa ny taranaka any aoriana... tena hijalijaly.

Tsy Ilàna vola be ny fialàna amin'ny risoriso,
Ilay natao androany, tsy atao intsony rahampitso.
Izay mbola manotra aleo ho hitambahoaka,
Dia ho tapi-dalàna ihany izay mpanararaotra.

Raha miray hina isika tsy manotra intsony,
Na ireo toerana ambany na toerana ambony.
Fadiana ilay hoe, izay manolotra no alaina....
Raha mifaninana, izay voalohany ihany no tsongaina.

Miezaka sy miara mientana dia ho fantatra ihany,
Ireo mpaka antsokosoko harena ankibon'ny tany....
Afabaraka eo fa ny Malagasy tsy ho azo intsony amin'izany.
Satria Izaho sy Ianao tsy nandrora nitsilany.

Ô ry Malagasy tia tanindrazana,
Aza manotra intsony fa tena mazana !
Zaraina tsy misy takalony ny fahaizana miasa.
Na kely aza ny karama, ny manoatra tena tsy lasa.

Nosy Malala
Jolay 2021