Voronkely tsara loko, (Nosy Malala)
(Nalaina tao amin'ny vetso.serasera.org)
Voronkely tsara loko,Reo voronkely tsara loko,
Notiavina sy nokoloiko,
Sendra nivoha ny varavarana,
Lasa nandao, nikopatanana .
Dia namboarina ny saina,
Afaka izy, mba te hiaina.
Nefa somary nampanahy,
Ndrao maninona any lahy.
Ny fo niventso nanantena,
Vorono ô mba miverena.
Teo ambaravarankely,
Izy....toa lavitra niery.
Dia navoaka ihany koa,
Sakafo, hanimpitoloha,
Sao hanintona ny fony...
F'efa veloma no nantsoiny.
Tantara sisa no navelany,
As'aiza indray zao no fonenany ?
Voronkely tsara loko, any ho any,
Nikopak'elatra nandao ny ankany!
Nosy Malala
Aprily 2023
--------
Rohy:
Sokajy :
Embona - Fisarahana - Fahatsiarovana - Fiaraha-monina - Alahelo - Eritreritra mandalo - Fiainana - Aingam-panahy - Fitiavana
Hevitra mandeha
TononkaloNM
(
02/05/2023 12:20)
Tsara be ilay antsa !!!! Misaotra betsaka an'Ikalamako.
ikalamako
(
02/05/2023 22:47)
Tsy dia havanana loatra fa natao tamin'ny fo re a. Ianareo no isaorana nizara azy ireny
