NY TONTOLONAO NO AHY (Ny Avo Rakoto)

NY TONTOLONAO NO AHY

Ny endrikao sariaka, ny bika mahavariana
Ny masonao miangola, mitory hafaliana
Ny famindranao midola manintona fijery :
Voaraiko anaty nofy rehefa iny manirery.


Ny tsiky atorakao dia efa ampy ho fifaliako
Ny angola teninao : mambabo izany foko
Ny diam-peninao no fitaratry ny diako
Ka mampandry indray ny saiko raha sendra ka toloko


Ny tontolo misy anao no tontolo misy ahy
Ny hirahiranao, hiraiko am-panahy
Ny ventsoventsonao, ventesiko mangina
Ny kalokalonao, kaloiko am-pitsikiana

Ny Avo Rakoto
25/08/2017
--------