TSY MBOLA VOAFAFA (Ny Avo Rakoto)

Tsy mbola voafafa,ny diam-peninao
Ao amin'ilay diarintsika.
Tsy mbola voafafa,ilay anaranao
Tamin'ny tantarantsika.

Tsy mbola voafafa,ireo dian-tongontsika
izay niaraka namindra.
Tsy mbola voafafa,ireo lasantsika
izay mamiko indrindra.

Tsy mbola voafafa,ao an-tsaiko hatramin'izao
ireny sangintsika ireny.
Tsy mbola voafafa,hatramin'ny endrikao
ka zary nofiko ombieny.

Tsy mbola voafafa,fa voaraikitra ato am-poko
ka zary sentoko matetika.
Fa ianao ilay nantenaiko,nantenain'ity foko
kinanjo toa nilentika.

Tsy mbola voafafa,ny diam-peninao
ao amin'ilay diarintsika.
Tsy mbola voafafa,ilay anaranao
tamin'ny tantarantsika.

NY AVO RAKOTO
02/02/2015
--------