You are here: home > Vetso

Ny fitiavana inoako ! - ny eja

Azo vakiana?

Ny fitiavana inoako ,

fa talohanao,
sina ny fitiavako
izay olo nantenaiko
ho vahatra hampitony;
izao  vao tena haiko
fa tsy  nitia ahy
no tsy tiako  akory  

dia indro tonga ianao
tomaratra toa havana
ny lokon-danitrao
manga mavamavana.
Ny  tanan 'ankavia
nanolotra fitia
ilay  ankavanana
nizara fiadanana
ka  indro  aho  safononoka
finaritra ery
fa taminao  ry  aiko  
dia haiko
"ny   fitia"

fa ao  aorianao
tsy  inoako ny fitiavana
tsy   inoako ny  ho  sitrany
tsy  inoako  ny ho voavitrany  
dia ny sampinao  sisa no inoako
ny teny maminao ,
voasikotra ato  am-poko
fa sitraka sy  teliko
raha ilaozanao aho
ireny tsy  mba veriko !

Ny  Eja  (aout  2004)

Hevitra mandeha

nyeja (02/09/2004 17:12:37)

misaotra nanome hevitra ary mankahery ahy hatrany ny hevitra avy aminareo ry bichette sy yonikofopl a
ny eja

bichette (03/09/2004 07:14:13)

mahafinaritra foana ny tononkalon'i nyeja anie e ! hi hi hi

nyeja (04/09/2004 05:26:29)

misaotra ry bichette a faly be mihitsy aho! .

Malalason (16/09/2004 08:44:22)

amiko manokana ny fitiavana ry zareo dia fanomezana avy @ Atra ka na ahoana fomba fisehony dia zary hafaliana ho ahy foana na dia misy aza ny fahoriana aterany dia lasa zezika mampandrobona ny kolokolom-pitia.
RJO
Fitiavana?
tsy azon'iza ho terena!
fitiavana?
famboraka sy fanfantena!
Fitiavana?
lova ary koa harena!
RJO 2003

aladin (24/09/2004 20:31:33)

Mankafy e!!!
...am-pitiavana be!

watsa (05/10/2004 22:10:43)

merci aladin! misaotra e!!!!

toetra (20/10/2004 22:37:10)

Sitrako sy teliko ry ny eja.

nyeja (24/10/2004 06:12:18)

dia misaotra malalason, aladin,watsa, ary i toetra aho fa tena namako ianareo satria nanome hevitra ity sanganasako ity, mankasitraka ary mirary soa anareo e
NY Eja

crrlanto (08/11/2004 20:25:37)

Ny fitiavana hono manko,maha ditsoka ny fo,
tsy ahitana ny fambara,na efa lasa na ao aloha
Ilay rediredin,olo tiana no hany re ao anaty
ilay tigetra anananao,zary levona ao anaty
ilay safosafon,olo tiana ...izay nampipararetra
no nanjary lasa aina,aina izay mitoetra
tsy azon,iza ho fafana

tide (11/11/2004 23:00:20)

Amiko manokana dia mahafinaritra ny tonokalonao sy ny fomba fahaizanao mampita izany eo amin'ny tontolon'ny fiainana,satria raha @ ankapobeny dia toa lasa ataon'ny tanora kilalao izy iokanefa raha dinihina dia toy ny "Aloka an-drefana ",izany hoe:misy ny an-tenaina misy ny mandalo,ka ny masoandro hono rehe tonga any andrefana ka handeha hilentika dia tsy an-tenaina ka lasa hasard izany amiko,ka izay no azoko ambara aminao ry sakaiza namana,fa toizo izany mba ho tonga saina ireo tnora namantsika izay variana milalao ny fitiavana fa afo mandoro ny fitiavana ka tandremo sao manao tsambikina mikipy izany! tide

cooper (14/10/2007 20:41:04)

Ny fitiavana ?
Tongatonga fotsiny eny,
Ny fitiavana ?
Rediredin'ireo hoe tia

Fa ny tena fitiavana ?
Tsy hay lazaina hoe ahoana
Ny mahay miteny aza zary lasa moana.
Tsy ny vava mantsy no miteny
Fa ny fo ao anaty toa re fa mitem-po...


R.h.f


Tohiny