You are here: home > Vetso

Ry sakaiza tsara - ny eja

Azo vakiana?

Ry sakaiza tsara,
etsy  ianao  ambarako
fahendrena soa
ry  sakaiza tsara,
avia hotantanako
izato  tananao  
dia henoy  aho:
aza dia arahana ozona avokoa
izay  manaratsy  anao
andraso  ny  ao  ambony
dia miezaha ho  tony.

ry  sakaiza tsara,
mahaiza aloha mangina
raha sendra mpahay  vava
mandrangitra hakiviana
sy  fanalam-baraka
ry sakaiza tsara
toneo  izany  fo
mahaiza koa mitraka.
dia aleo  ny  ao  ambony
hanome izay  saziny.

ry  sakaiza tsara
fadio  ny  rehareha
fadio   ny  sehoseho
fadio  ny  mihomehy
miantsy  manakora
na olon-dehibe
na kely  na tanora
fa manana ny  hasiny  ny  tsirairay
irony  alahelony
mavesatra mahamay
miangavy  aho  ialao
raha azonao  atao.

ry  sakaiza tsara
fadio  ny  ompa ratsy
fadio  ny  lolom-po
fadio  ny  valifaty
fa mbola olombelona
nofo  isika izao
tsy  misy  mahazaka
na dia iray  venty
rehefa injay
matory  fehizay.
ry  sakaiza tsara
etsy  ange ianao
saotra ,  tso drano,
firariantsoa
no  hovolaninao
fa ireny  tsy  mahavery,
fa hisy  valisoa
sy  fitahiana ombieny.
Mety  tsy  anio 'lay  tambiny  raketiny
fa "fifaliana anaty"
ho  anao  ny  setriny.

ry  sakaiza tsara
izao  hafatro izao
tano  fa ho  anao
:NY   Eja 05/2005

Hevitra mandeha

Malalason (24/05/2005 14:11:45)

Ry sakaiza Tsara
Malalason Akamanao
Dia manaiky hatramin'izao
Ny tolok'hevitrao

Ha! ha!ha saika nahay aho รด!
mahafinaritra e! dia mamoaha indray Boky faharoa fa efa sasamiandry izahay Mpaka fy! sa tsy izany ry sakaiza tsara isany?

totty (17/06/2005 21:53:01)

marina tokoa ny voalazan'iMlalason etsyambony mamoaha boky indray hividiananay mpakafy e,ianao aloha dia tena manana talenta mahafinaritra be e!

nyeja (18/06/2005 09:05:25)

misaotra an'i totty sy malalason aho dia sitraka enti metory e ka hovaliana raha mahatsiahy an
tsy ho ela ny boky fa "ilay fitia " aloha ankafizo e " .

rapisoukely (11/07/2005 16:22:51)

Somary bebe fo izay ny tenananay ka mahatsiaro tonga saina mihitsy amin'ny fahendrena hananao ry Ny Eja.
Ie, marina ny an'i Malalason fa mba ataovy tonga aty aminay koa ilay boky vaovao, hankamamianay ny asa soratrao bebe kokoa.
Rapisoukely namanao

hasiniony (15/07/2005 16:36:39)

Ry sakaiza tsara, anio ny soratrao

Hataoko tonom-bavaka
Hireharehako ho apinga

Rehefa izaho solafaka, manao ny tsy fanao

nyeja (04/08/2005 10:10:24)

misaotra e raha voarainao ilay hafatra ry hasiniony a
mankasitraka anao ny eja namanao

andrysecabi (12/11/2005 16:02:08)

Meja aok\'izany tokoa ny \"Sorakodianao\" ry Eja
Meva torak\'izany koa angamba ny endrikao ry Eja taranak\'i Eva
\"Namako tora-droa\" indriako ry mpanafosafo ny fo
Mpanamaotina \"Tafiotram-pofon\'aina\"
Mpanasolanga ireo miady ny zatra \"Seka maina\"

nyeja (08/12/2005 06:49:26)

ndry misaotra andrisecabi a fiteny hafakely no ampiasainao nefa dia tena mambabo fo tokoa

nyeja (08/12/2005 06:55:30)

misaotra rapisoukely a
ny eja namanao

Hametraka hevitra

Midira aloha