You are here: home > Vetso

Tsara loatra ianao ! - ny eja

Azo vakiana?

tena tsara loatra ianao
Dia toa tsy sahiko jerena
anefa anie ity masonao
mandinika ahy tsy hay fefena !

eny tsara ho aho ianao
ka tamin\'izay tsy mba ninoako
izaho izay tsotra kely itony
mety hambabo koa ny fony ?

dia natopinao indray
handinika ahy ilay fijery
izaho niafy ny nanahy
menamenatra irery!

ary  niarahaba ahy  ianao
feno  fanajana fatratra
izaho  nandray  ny  tananao
vahobahotra sy  niambatra !.

Ka narahinao  tsiky
eny kanto tsara loko
raha mba henonao iky
ny fidobodobok\'ity foko ?

dia toy izay ilay fihaonantsika
tany etazonia tany ...
ankehitriny ianao tsy hita
any an-tany lavitra any .

ireo taratasy niampita
nifanoratantsika roa
no hany sisa nanambara
fa nahafinaritra sy tsara
tiana hitohy ilay fiarahana.
nefa atao ahoana moa ?
semban\'ilay fisarahana !.

Ny  Eja .2003


Sokajy : ahy, Fitiavana, manokana

Hevitra mandeha

totty (21/06/2005 14:11:11)

Manao ahoana Ny Eja
mababo fo tokoa izany namana tsra izany,indrindra rehefaizy izay no tsotra fihaingo an! tahaka ilay mpanoratra ny tononkalo ihany,tsotra be sady tsy mba miavona,mahereza hatraminy farany e.

rapisoukely (22/06/2005 20:48:14)

Tsy maintsy mbola hiahona ihany indray andro any na lavitra aza ny elanelan-tany. Mahereza.

pissoa (23/06/2005 12:22:51)

tena tsara ilay tononkalo, tsotra nefa tsara e!

nyeja (23/06/2005 12:39:11)

misaotra betsaka an'i totty, rapisoukely, ary pissoa, bizz mamy be ho anareo e!

tia2005 (04/08/2005 16:20:34)

ndriii! mampalahelo ilay niafarany fa mbola mitohy any aoriana ê! tsara ilay izy ka!

shate (10/09/2005 11:39:11)

Isaky ny mamaky ny tononkalonao za de otran'ny miaina mihitsy ny zavatra voalazano, tsapako fa tena mahay manoratra be ianao

nyeja (11/01/2008 04:13:03)

misaotra anao ry tia2005 sy shate ny Ny Eja

Imbolatiana (04/07/2014 12:39:59)

Izaho koa dia isan'ny mpankafy ny asa soratrao, tohizo foana dia hitohy hatrany anie ny famoronanao hampiroborobo ny tononkalo malagasy

Hametraka hevitra

Midira aloha