Tsy resiko! (Ny Ela Nihetezana)

Nantsain'i
(Nalaina tao amin'ny vetso.serasera.org)
Malàla a !

Tsy resiko ireo tsiaro niarahantsika roa
Bosesika ao am-po
Na efa taona maro, dia toa tadidy ihany
Tsy resiko izany!

Lay tafasirintsika tanaty volantsinana
Izay nifamihinana,
Ireny tafatafa miharo sangisangy
tsy resy fa mamangy !

Ny soa izay fianatra mba nanitsianao ahy
Tsy resy lasa tsiahy !
Ny làlana nalehako fony mbola teo ianao
Tsy resy hatramin'izao !

Irony sisi-morona misoritra fitia
Ahatsiarovako an-dry
Ny tao am-poko rehetra, naborako nalàky
Tsy resy fa mitaky !

Ireny angolanao tsy nanam-paharoa
Tsy mety resy koa !
fa satry foana foana hitoetra manoloana,
Tsy ahoan-tsy ahoana


Ny Ela Nihetezana
--------
Rohy:
Sokajy : Fitiavana
860 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0102