Ny fanevako (Ny Ela Nihetezana)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ifaliako ny ahy, fa vakoka sy harena
Asandratro ho ambony, ny fotsy maitso mena,
Ifaliako ny ahy, fa tiako ny fanevako,
Saina malagasy, no foto-dreharehako!

Ny loko mena manko, manambara rindrin'ela
Nandoko tamin'izany, ny rindrin-trano teto
Ka rehefa foana ireny, ny saina no tavela
Ho fototra ijoroako, sy rakitry ny vetso!

Ny fotsy ihany koa, dia lokom-pahadiovana,
Manambara foko maro, kanefa mifandray!
Fitia no tarigetra, tsy avelanay ho fongana
Fa entinay milevina, any ambany rangolahy!

Ny maitso kosa anefa, dia loko mahavariana
Manavak'ilay nosy, ho feno zava-boary
Dia io no atambatray, ho maitso fotsy mena,
italahoanay, fitahian-janahary!

Ny Ela Nihetezana
--------
Rohy:
893 1
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.01