HANY HASAMBARAKO (NY HARIAINA)

HANY HASAMBARAKO

N´orambaratra hifafy hanakotsa izato tenako,
Na rahom-be mikitroka hanamaloka ny androko
Tsy hampaninona ahy;
Raha mbola eo ianao ilay anton´ny fiainako
Hazavana, manafana, hany tokana masoandroko
Lavitra ahy ny ahiahy.

Kanefa mbola mamiko, satriko sy tiako,
Raha lafatra ny fiainako no koa ianao eo
Ahy izao tontolo izao;
Inoako, izay rehetra hitako zary ho fifaliako,
N´inona hitranga,n´inona hiseho sento na toreo,
Noho ny eo anilanao.

Fantatrao satria,
Fantatrao tsara
Ny an-tratranao malala
No hany hasambarako.

NY HARIAINA
--------