TSIAMBARATELO (NY HARIAINA)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSIAMBARATELO

Iny, tambavin'ny fanahy
Tsy lefitry ny nofo
Tsy levin'ny fotoana
Tsy hivaingan'ny hatsiaka
Na sanatria koa,
Halazo na hihofo
Tsy maintsy hotadidy,
Hotsaroana foana
Hanefy ny ati-saina;
Aina! rohy mampiray antsika.

Iny, tsiambaratelo miavaka
Tsy misy mpahalala
Tsy misy mahafantatra
Tsy misy mahatsikaritra.
Hatreto ianao hiraiko,
Am-po fa hoe malala
Malala! malalako ankamantatra
Kanefa inoako haharitra.

Iny àry, tsy horaketiko an-diary
Kanefa dia diary.
Diarintsika roa,
Manohatra ny "idealy"
Misoratra ao am-po.
Diary hotadidy,
Diary mandra-maty;
Ka tehirizo tsara
Fa mirakitra tantara,
Tantara tsy hofaty.

NY HARIAINA
--------
Rohy:
Sokajy : Fitiavana
1598 0
Hametraka hevitra
Midira aloha
Momba ny tononkalo
Mpanoratra : NY HARIAINA
Nampiditra : nyhariaina
Daty : 21/01/2013 13:06
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0142