Ny foko sy ny fony ... (Ny Radontsoa Mamiratra)

Ny foko? Mavokely! Mivolombolon-tsiky,
manafana ny aiko rehefa izy mijery;
Mihaika hirahira sy fitia mitampify
anaty topi-maso mipitra, manirery,
rehefa aho eo anilany …
Maniry te-ho silany …

Ny fony? Volon-tany! Manitra hatsarana:
Mifono fahendrena sy halemem-panahy;
Andry sy fialofana mpampiely hafanana
rehefa tonga ety mba hampiresaka ahy …
Mivolom-paradisa …
Maniry ahy ho tafita …

Ny Radontsoa Mamiratra
--------